Azkoitia

Martirietako Pentekoste jaiak ospatuko dira gaur eta igandean

Martirietako Pentekoste jaiak ospatuko dira gaur eta igandean. Eta, beste urte batez, merezi duen bezala ospatzeko hainbat ekintza antolatu dituzte.

Festen hasiera gaur 19:00etan izango da, triki poteoa egongo da eta ondoren bertso afaria, Julio Soto eta Amets Arzallus bertsolariekin (afarian parte hartzeko; 638 427 168). Ondoren, trikitilariek giroa alaituko dute. Goizaldean baratxuri zopa egongo da.

Igandean, 10:00etan meza nagusia izango da, eta buka-tzean hamaiketakoa eskainiko dute elkartean eta bentan. 12:00etan III. Arraza Libreko Txakur Txapelketa jokatuko da; 14:30ean bazkaria egingo da bentan. 17:00etatik aurrera, haurrentzako jolasak izango dira auzoko plazan, eta amaieran merienda egingo dute, festei amaiera ematez.

Aurten autobus zerbitzua izango da auzora igotzeko eta jaisteko: gaur igotzeko 19:00etan, 19:25ean eta 19:50ean, eta jaisteko goizaldeko 03:00etan, 03:20an eta 03:45ean gasolindegi ondoko geralekuan. Igandean igotzeko 11:00etan eta 16:30ean, eta jaisteko 14:00etan eta 19:00etan.