Kontzejupeko pilota txapelketa abian da

Partida guztiak Kontzejupean jokatuko dira. /  SUDUPE
Partida guztiak Kontzejupean jokatuko dira. / SUDUPE

60 pilotari arituko dira eta finalak San Andres egunean izango dira

JOAQUIN SUDUPE AZKOITIA.

Aste honetan hasi dira XLV. Kontzejupeko Pilota Txapelketako partidak. Denak arratsaldeko 5:15ean jokatuko dira Kontzejupe bertan eta guztira 60 bat pilotari gazte arituko dira aurtengo lehiaketan. Benjamin, alebin eta infantilek binaka jokatuko dute. Bestalde, kadete, jubenil eta nagusiak banaka arituko dira eta neskak, izen ematearen arabera.

Partida guztiak Kontzejupean jokatuko dira eta txapelketako finalak Sanandres egunean, arratsaldez izango dira. Aste honetan, 8-9 urteko benjaminak, infantil, kadete eta jubenilak aritu dira.

Norgehiagoka egunei dagokionez, benjamin eta alebinak astelehen eta asteazkenetan jokatuko dute. Infantilak eta neskak astearte eta ostegunetan. Egutegia ondo eramateko partidurik ez da atzeratuko garrantzizko arrazoirik ez bada medio, hau da gaixotasuna, medikoa, eta abar.

Contenido Patrocinado

Fotos

Vídeos