Azkoitia

Jon Joseba Aizpuruak jasoko du 43. Bizenta Mogel Ipuin Lehiaketako lehen saria

Bizenta Mogel Ipuin Lehiaketako sarituak aski ezagunak dira lehiaketaren ibilbidean. Iraitz Legarrak iaz lehenengo saria etxeratu zuen, eta Jon Joseba Aizpuruak, hirugarrena. 2016an eta 2017an ere, Legarrak jaso zuen sari nagusia.

Alberdirentzat ere ez da saria jasotzen duen estraineko aldia. 2019an hirugarren saria jaso zuen, eta 2020an, bigarrena.

43. ediziora 31 lan aurkeztu dira, iaz baino bost gehiago, hain zuzen. Yolanda Larrañagak, Iñigo Ansorregik eta Juan Luis Zabalak osatu dute epaimahaia.

Sari banaketa ekitaldia otsailaren 21ean izango da, iluntzeko 19:00etan udaletxeko areto nagusian. Urtero legez, ekitaldi irekia izango da, eta bertaratu nahi duen oro gonbidatuta dago.

Bizenta Mogel Azkoitian jaio zen 1782an. Euskal idazle eta itzultzailea; txikitatik Markinara joan zen bizitzera, eta horregatik Markinako Eskola deiturikoari atxiki zaio, bere osaba J. A. Mogel bezala.

Euskarazko lehen emakume idazlea da. Ia eskolarik jasotzeko aukerarik ez zuten garaian aritu zen idazke lanetan Mogel,eta txikitatik irakurtzeko joera handia erakutsi zuen. Herri-ipuinetarako eta fabula klasikoetarako zaletasun handia zuen. Bere omenez egin ohi du ipuin lehiaketa Azkoitiko Udalak,