Herrixen dendarien Elkarteak Azkoitia Eguna ospatuko du gaur eta bihar

Bihar tren txutxua ibiliko da kaleetan barrena. /  SUDUPE
Bihar tren txutxua ibiliko da kaleetan barrena. / SUDUPE

Bihar txorizo dastaketa eta txotxa izango dira Kontzejupean

DV AZKOITIA.

Herrixen, Azkoitiko dendarien Elkarteak, gaur eta bihar, Azkoitia Eguna ospatuko du. Festa gaur hasiko da ondorengo egitarauarekin: arratsaldeko 18:00etan Torrezurin tonbola irekiko dute urtero bezala. Herriko denak emandako deskontuak, baleak, opariak...zozketatuko dira.

Bihar urriak 20, larunbata, goizeko 11:30etatik aurrera Kontzejupean txorizo dastaketa eta txotxa, trikitilarien kalejira, eta tonbola. Egun osoan tren txutxua ibiliko da Azkoitiko kaleetan barrena. Arratsaldean nobedade bezala, Balda plazan umeentzako puzgarriak eta herriko plazan umeentzako kirol jolasak (futbolin erraldoia, diana eta abar) eguraldiak laguntzen badu.

Arratsaldeko 18:30etatik aurrera III. Zakelmari pintxo lehiaketan jokatuko da eta bertan herriko Ttakun, Etxe Aitz, Errexil, Koxka, Orbela, Zurt eta Latz tabernak hartuko dute parte.

Contenido Patrocinado

Fotos

Vídeos