Herriko festa koloretsua lehertu zen atzo Azkoitian

Kirol jardunaldi ugari izan ziren atzokoan eta herrian egiten diren kirol mota ezberdinen erakuts leiho izan zen festa. /  SUDUPE ARGAZKIAK
Kirol jardunaldi ugari izan ziren atzokoan eta herrian egiten diren kirol mota ezberdinen erakuts leiho izan zen festa. / SUDUPE ARGAZKIAK

Kirol eta kultura sarea osatzen duten talde eta banakakoak bere fruitu eta lanak erakutsi zituzten |

JOAQUIN SUDUPE AZKOITIA.

Atzo Herrikoloreak eguna ospatu zen Azkoitian eta aspaldian izan den festa herrikoi eta koloretsuena izan zen. Bazter guztietan, Azkoitiko kirol eta kultura sarea osatzen duten talde eta banakakoak bere fruitu eta lanak erakutsi zituzten. Goizetik gauera, hainbat eta hainbat azkoitiarrek kaleak bete zituzten eta baten batek “Andramaixetan baino jende gehiago” zebilela ere adierazi zuen.

Urte askotako lanen fruituak ikusi ziren atzo eta hainbat pertsonen lan ezkutuak azaleratu ziren Herrikoloreak festa erraldoian.

Zerrenda luzeegia

«Hori guztia, herri baten arimaren isla baino ez da izan» diote antolatzaileek

Zerrenda luzeegia litzateke denak aipatzeko baina musika, eskulanak, era ezberdin askotariko kirolak, sormen tailerrak eta abar nagusitu ziren kaleetan. Jubilatuen bingoa, elkarte gastronomikoen paella lehiaketa, musika bandaren emanaldi bikaina, abesbatzen kantuak, txistularien kalejirak, herriko rockero bakar eta taldeen soinu gihartsuak, batukada, zumba, argazkilarien tourra eta erakusketa, tour historiko gidatua, kanpai dorrearen eskalada.... Eta hori guztia gimnasia erritmikoa, saski baloia, tenisa, kriketa, pilota, xakea, giza proba eta hainbat kirol mota ezberdinez osaturiko festa ero, bero eta eder eskaini zen Azkoitiko kaleetan. Herrikoloreak Azkoitiko herritar talde batek eta kulturaren eta kirolaren arlo guztietan lanean diharduten eragileek osatzen dute eta nahiz eta ez aurreikusi datorren urtean berriro ere antolatzea; “ ez jakin aurrerago ez dugun egingo” azpimarratu dute.

«Hori guztia, herri baten arimaren isla baino ez da izan. Herriaren nortasuna baino ez genuen nahi erakutsi eta gustora gaude. Egin dugun lanaren ordaina ere jaso dugu; hau da, herriaren eskertzea eta irribarrea. Ondo baino hobeto ordaindu gaituzte. Eskerri kasko parte hartu duten guztiari. Hau Azkoitiaren benetako argazkia da eta arro gaude erakutsi ahal izan dugulako» adierazi dute festa handi onen antolatzaileak.

Herriko kirolari eta kulturari bultzada bat ematea nahi zuten elkarren arteko harremanak saretzen eta adierazi daiteke lortu dutela.

Contenido Patrocinado

Fotos

Vídeos