Azkoitia

Herriarteko final laurdenetako lehiak jokatuko dituzte gaur azkoitiarrek

Oteiza pilota elkarteko pilotariak Herriarteko final laurdenetan dira eta gaur, ostirala, jokatuko ditzuzte partidak. Gomazko palistek etxean, Gurea pilotalekuan, jokatuko dute Astigarragaren aurka, 19:00etan hasita, eta eskuzko pilotariek, aldiz, Beasaingo Antzizar pilotalekuan dute hitzordua, 18:30ean.

Zumarragari 4-2 irabazi zieten azkoitiarrek gomazko paletan eta Astigarraga gaindituz gero, Aia edo Lasarte-Oria izango dute aurkari finalerdietan.

Eskuzko lehian, Aretxabaletari eta Atauni irabazi diete azkoitiarrek eta final laurdenetan, Beasain izango dute orain arerio. Txapelketaren finala, ekainaren 28an izango da, Donostian.