Azkoitia

Haurren danborradarako entseguak hasi dira

Apirilaren 26an ospatuko den haurren danborradaren entseguak hasi dira dagoeneko. Tata elkarteak antolatzen duen danborradan HH5etik DBH 2ra bitarteko haur eta gaztetxoek hartuko dute parte aurten. Astelehenean egin zuten lehen saioa, Gurea pilotalekuan, eta gaur bigarren entsegua egingo dute, 19.00etan hasita. 60 urte beteko dituen hitzordu handia prestatzeko hurrengo entseguak apirilaren 3, 7, 9, 10, 14, 23 eta 24an izango dira.