Azkoitia

Gol festa Anaitasunako emakumezkoen taldearen partidan

Anaitasunako talde nagusiek oso sentsazio onak utzi zituzten larunbatean jokatutako partidetan. Eguneko pozik handiena emakumeen aldetik etorri zen, 4-2 irabazi baitzuten Lakuaren aurka, etxean. Euskal Ligako 22. jardunaldiari dagokion partida Txerloian jokatu zen. Talde aurkariak 6. minutuan sartu zuen lehen gola, baina Ane Arrizabalagak jarraian sartutako hiru golek partidari buelta eman zioten (25., 27. eta 28. minutuetan). Gasteizkoek aldeak murriztu zituzten eta atsedenaldira markagailuan 3-2ko emaitzarekin joan ziren.

Bigarren zatian, 80. minutuan hain zuzen, etxekoen laugarren gola iritsi zen; berriro ere Ane Arrizabalagaren sinadurarekin.

Taldeak hamabigarren jarraitzen du sailkapenean, 25 punturekin. Hurrengo jardunaldian 9. dagoen Ugaoren aurka neurtuko da Arandia futbol zelaian.

Ohorezko Erregional Mailako mutilen taldeak, bestalde, 1-1 berdindu zuen Urolaren aurka, Zumarragako Argixao futbol zelaian jokatutako 21. jardunaldiko partidan. Oihanek bigarren minutuan sartutako gola izan zen Anaitasunakoek sartutako bakarra. Taldea zortzigarren postuan dago orain, Mutrikurekin 31 puntura berdinduta. Hurrengo jardunaldian Zumaiako, sailkapeneko seigarren sailkatua, izango dute aurkari Txerloian.