Giro ederrean ospatu zen atzoko danborrada

Karrozaren ikurra dantzari bat izan zen./
Karrozaren ikurra dantzari bat izan zen.

Gutxi gora behera 300 ume aritu ziren ospakizunean

JOAQUIN SUDUPE AZKOITIA.

Azkoitiko umeen 54. danborrada arrakastatsu igaro zen atzo herriko kaleetatik zehar. Giro ezin hobeak lagundu zion ekitaldiari eta jendetza handiak lagundu zion irteeratik bukaera arte.

1965. urtean ekin zitzaion festa honi eta duela zazpi urte erabaki zen data aldatzea parte hartzea hobetze aldera. Izandako arrakastaren ondoren aldaketa hori mantendu eta finkatu egin da.

Gutxi gora behera, 300 ume aritu ziren ospakizunean eta arratsaldeko bostetako hasi ziren iristen Balda ingurura.

Gaztetxoen artean urduritasuna zen nabarmena baina azkenean, sukaldari, banderadun, danbor eta barrika joleek, karroza eta abarrek ondo irten ziren eta hobeki bete zuten egin beharreko lana. Aurten parte hartze handia egon da. Ohiko ibilbidea egin zuten taldeek. Balda plazatik irten eta Santa Klara eta Trino Uria (Pakea aldetik) zeharkatu zituzten. Gero Plazan piezak jo; meriendatu, eta Gurea frontoian eman zitzaion amaiera danborradari.

Jantziak bueltatzeko

Bestalde, jantziak Udaletxera bueltatu beharko dira umearen izena jarrita daraman zorro batean sartuta. Horretarako, astebeteko epea dago. Udaletxean Kultura sailaren parean kaxa bat jarriko da arropak uzteko.