Azkoitia

Gaurko Txirrindulari lasterketak San Martingo sarrera-irteeretan eragingo du

Gaur ospatuko den Antton Oñederraren omenezko VI. txirrrindulari lasterketa dela-eta, San Martin auzora sartzeko edo handik irteteko, trafikoa Ertzainetxeko errepidetik bideratuko da, Nemesio Otaño kaletik, hain zuzen. Txandakako zirkulazioa ahalbidetuko da bi norabideetan Beidazar kalean 16:30etik 17:30era.

Peña Elorza taldeko kideek antolatutako lasterketa 16:30ean hasiko da. Hainbat kategoriatan lehiatuko dira txirrindulariak, benjamin, alebin eta infantil mailan. Trenbidearen Zumardian izango dira probak.