Euskararen Nazioarteko Eguna ospatuko da bihar

AZKOITIA.

Bihar, Euskararen Nazioarteko Eguna ospatuko da eta goizean, Ikastolako, Floreagako eta BHIko LH eta DBHko ikasleak plazan elkartuko dira 11:30ean. Ekitaldian, alkateak harrera egingo die eta hauek euskararen aldeko pankarta zintzilikatuko dute udaletxeko balkoian. Ondoren, irakurraldia egingo dute plazan. Arratsalderako, Euskara Mahaiak Euskaraldiaren itxiera ekitaldirako gonbitea luzatu die herritar guztiei. 18:30ean izango da ekitaldia plazan eta bertan Euskaraldiaren amaierarako prestaturiko manifestua irakurriko dute. Bertaratzen diren ahobizi eta belarriprest guztiekin argazkia ere aterako da. Azkoitian 2.096 lagunek hartu dute parte Euskaraldian. 1.901 dira ahobiziak eta 195 belarriprestak.

 

Fotos

Vídeos