Euskal folklorearen erakusketa egingo du Sahatsak Valladoliden

2016 urtean Azkoitin eginiko dantza errepikatuko dute. /  SUDUPE
2016 urtean Azkoitin eginiko dantza errepikatuko dute. / SUDUPE

AZKOITIA.

Valladolideko Euskal Etxeak gonbidatuta, bihar eta aste buruan zehar, Euskal folklorearen erakusketa egingo du Sahatsak Valladolideko hirian.

Bihar arratsaldez Azkoiti-Azpeitiko ezpata dantzariak 2 errenkada luzetan sartuko dira Valladolideko katedralean eta bertan Ezpata dantza egingo dute Ricardo Blazquez kardinalak zuzenduko duen mezan. Mezaren ondoren eta Katedralaren aurreko plazan, Lapurdi, Bizkaia eta Gipuzkoako dan-tzekin hornitutako ikuskizuna eskainiko da eta horretarako, irudi eder indartsu anitzez osaturiko berrogei minutu inguruko emanaldia prestatua du Sahatsak.

Igandean

Hurrengo egunean, igandearen eguerdi aldera, Euskal etxeko abesbatzarekin batera kalejira egingo du Sahatsak eta kanta, musika eta dantzaz girotuko dute Valladolideko Plaza Nagusia eta berriro, Gipuzkoako Makil jokoek ikusmina sortuko dute ikusleen artean. Interesgarri bezain asteburu polita ilusioz prestatzen ari diren Azkoiti-Azpeitiko taldeko gazteentzat.

Contenido Patrocinado

Fotos

Vídeos