Azkoitia
Le Cercle de I'Harmonie orkestraren kontzertura joateko autobus zerbitzua

Emanaldia apirilaren 8an izango da 19:30ean. Autobuseko tokia erreserbatzeko azken eguna apirilaren 3a da

S. U.

azkoitia.

Lunes, 31 de marzo 2025, 19:58

Kursaal Eskura egitasmoak, aldian aldian doako autobus zerbitzua eskaintzen du herritarrentzat, Kursaaleko emanaldietara joan-etorria egiteko. Oraingoan, Le Cercle de I'Harmonie orkestraren kontzertura joateko proposamena luzatu du. Apirilaren 8an izango da arratsaldeko 19:30ean.

Jérémie Rhorer-ek zuzenduta, Gaëlle Arquez mezzosopranoa izango da eszenatokian. XVIII eta XIX. mendeetako konpositore ezagunenen aria xarmangarrienak eskainiko dituzte 'Amor Furor' izeneko kontzertuan.

Izen-emateak

Emanaldiaren egunean, apirilaren 8an, autobusa 18:00etan aterako da Azkoititik, Julio Urkixo 7 kaleko geralekutik (Eroski Consum ondotik). Izena emateko ondorengo urratsak jarraitu be-harko dira: Kursaal Elkarguneko www.kursaal.eus webgunearen bidez kontzerturako sarrera erosi behar da.

Eta behin sarrera erosita, interesdunek, nahitaez, autobuseko tokia erreserbatu beharko dute Azkoitiko udaleko kultura sailera deituta (943 85 71 70 telefono zenbakia) edo kultu@azkoitia.eus helbidera idatzita. Izena emateko azken eguna apirilaren 3a da.

Langabetuek eta 30 urtez azpikoek sarrerak hiru eurotan erosi ahalko dituzte. Horretarako, sarrera eta autobusa erreserbatu beharko dituzte, eta kontzertu egunean bertan, Kursaaleko leihatilan adina edota lan egoera egiaztatu ondoren, egingo dute ordainketa.