Azkoitia

Boluntaritzaren inguruko hitzaldia prestatu du parrokiak ostiral honetarako

Ostiralean, ekainaren 6an, arratsaldeko 19:00etan, Mendekoste eguna ospatzeko ekitaldi berezi bat antolatu du parrokiak. Elkarguneko Zeharkako gelan izango da eta honako gaia jorratuko dute: 'Boluntariotza gizartean eta laikoen egitekoa elizan'.

Miren Gurrutxaga eta Luzia Alberro izango dira hizlariak, eta euren gogoetekin hausnarketa aberasgarri baterako gonbita luzatuko dute. Hitzaldiaren ondoren, Orbela tabernan mokadua egiteko aukera izango dute bertaratutakoek.

Ekitaldia irekia da guztientzat, baina bereziki zuzenduta dago parrokiko pastoralgile eta bestelako boluntarioei. Ospakizun hau tarteko ez da otoitz isilik egingo ostiralean.