Azkoitia

Bihar amaituko da establezimenduek bonuen kanpainan parte hartzeko izen-ematea

Bonuen hurrengo kanpainan parte hartu nahi duten establezimenduek bihar, hilak 21, arteko epea dute izena emateko. Txikizkako merkataritzako eta ostalaritzako establezimendu guztiek parte hartu ahal izango dute, baita zerbitzuen sektoreak ere. Izen-ematea udaletxean, Herritarrentzako Arreta Zerbitzuan egin ahalko da. Eskaera orria www.azkoitia.eus atarian jaitsi daiteke, diru-laguntzen atalean eta harreran entregatu, edo erregistro digitalaren bidez.

Bonuak martxoaren 25ean jarriko dira salgai online eta martxoaren 28an, presentzialki erosi ahal izango dira Kon-tzejupean, udaletxe azpian, goizeko 10:00etatik 13:00etara eta 17:00etatik 19:00etara. Informazio gehiago www.azkoitia.eus atarian.