Anaitasuna Mendi Bazkunak Mendi Astea ospatuko du bihartik hasita

Elur mota guztietan jaisteko teknikak irakatsiko dituzte./
Elur mota guztietan jaisteko teknikak irakatsiko dituzte.

Elkarteko bazkide eta federatu txartelak Gurea pilotalekuan eskura daitezke

DV AZKOITIA.

Anaitasuna Mendi Bazkunak Mendi Astea ospatuko du bihartik asteazkenera bitartean. Udalaren laguntzarekin, hiru emanaldi izango ditu, denak 20.00etan Elkargunean. Biharkoa, Fidel Mendiarekin, 'Jaitsiera ezberdinak mendi ezagunetan' izango da. Asteartean, 'Mongolia Bike Challenge' izenako emanaldia eta asteazkenean, 'Hegan egiteko ametsa'.

Bestalde gogoarazi Anaitasuna mendi bazkunako bazkide eta federatu txartelak Gurea pilotalekuan eskura daitezkeela. Astelehenetik ostiralera, 15:00etatik 20:00etara bitartean izango da txartel horiek jasotzeko aukera.

Ikastaroa

Taldearen irteerekin jarraituz, 'Elur mota guztietan jaisteko teknikak' ikastaroa antolatu du otsailaren 24-25rako, Gavarnien (Frantzia). Plaza mugatuak eta monitoreko 5-8 ikasle izango dira. Lopetegi iturgintzan eman behar da izena otsailak 19rako.

Irteera goizeko 05:30ean izango litzateke liburutegi aurretik. Anaitasunako bazkide ez direnek 180 euro ordainduko beharko dituzte, eta bazkideek, berriz, 160 euro. Forfaitaren, mantenu erdiaren eta autoen bidaiako kostuak sartzen dira, besteak beste, prezio horretan. Ikastaroan parte hartzeko derrigorrezkoa da federatuta izatea Anaitasuna ez delako ezeren erantzule egiten.