Azkoitia

'1901/05/14 Orioko Balea' eta 'Abadiño San Blasetan' izan dira aurtengo mozorrorik onenak

Sara Utrera

Azkoitia

Martes, 4 de marzo 2025, 20:53 | Actualizado 21:33h.

Comenta

'1901/05/14 Orioko Balea' eta 'Abadiño San Blasetan' taldeek jaso dute aurtengo Inauterietako Mozorro Lehiaketako lehen saria, talde handien eta txikien kategorietan, hurrenez hurren. Ondoen apaindutako tabernaren sari nagusia, berriz, Ttakun tabernak jaso du. Mozorroak originaltasunez eta irudimenez josita, umorea izan dira nagusi aurtengo inauterietan.

Talde handietan, bigarren saria 'Mexikoko Borroka Librea' taldeak etxeratu du, eta hirugarrena, 'Neguko Andramaixek' taldearentzat izan da. Talde txikietan, aldiz, bigarren irabazlea 'Labadorie' suertatu da, eta hirugarrena, 'Pili, Pilar, Pikuta ta Pilartxo' taldea.

Guztira, 21 taldek hartu dute parte pasa den larunbat gauean egindako lehiaketan, eta 6 tabernek. Talde txikietan, 12 aurkeztu dira lehiaketara aurten, eta handietan, 9k hartu dute parte.