Aurreko asteko pilota partiduen emaitzak

Pasaden astean, hilaren 20an eta 21ean, Zestoako pilotariek lau partidu jokatu zituzten. Hilaren 20an bi partiduak etxeko frontoian izan ziren. Jubenilek eskuz binaka galdu egin zuren 22-6 Tolosa 1-en aurka. 3. Mailan jokatzen duen nagusien taldeak berriz garaipena lortu zuen Gure Txeru-ren aurka 22-12 emaitzarekin.

Hilaren 21ean jokatu ziren bi partiduak etxetik kanpo izan ziren, kadeteek Villabonan 22-0 huts galdu zuten Behar Zana taldearen aurka. Gomazko paletan ere ez zuten zorterik izan, 25-12 galdu baitzuten Donostian Loiolatarra 1-en aurka.

Naroa Agirre arroarra, berriz, Bergara Hiria Txapelketarako finalean izango da, aurreko astean 22-6 irabazi ostean. Maddi Berrocalekin osatzen du bikotea eta aurreko astean Etxegarai-Galeano bikoteari gailendu zitzaizkien.