Costa Urola

Aristerrazuko erromerietan nahiko aparkaleku izango da

Udara gainean, denboraldia bukatzeko bi erromeri besterik ez dira gelditzen Andatza auzoko Aristerrazun, gaurkoa eta datorren igandekoa, ekainaren 15a. Gaurko erromeriari dagokionez, Imuntzo eta Beloki, Oilar Beltzak eta, Imanol, Iñaki eta Andoni trikitilariek osatuko dute arratsaldea, 18.00etatik 21.00etara.

Aurtengoan ere jendetza ibili da Aristerrazun eta aparkatzeko normalean izaten diren zailtasunak konpontzeko, Aiako Udalak akordioa lortu du Refractarios Arrillaga enpresako ordezkariekin, beraien instalazioetako aparkalekua erabili ahal izateko. Hitzarmena aste honetan sinatu dute, hemendik aurrera erromeria egunetan enpresako instalazioetan aparkatu ahal izateko.