Aparkatzeko erloju gehiago banatuko dituzte Udalak eta Arkupek

Erdigunean aparkatzeko kartoizko erlojua behar da. /  ETXEBERRIA
Erdigunean aparkatzeko kartoizko erlojua behar da. / ETXEBERRIA

Sistema berria martxan jarri zenetik 5.000 erloju banatu dira herritarren eta bisitarien artean

El Diario Vasco
EL DIARIO VASCO ORIO.

Udalak eta Arkupe merkatarien elkarteak hala adostuta, Orioko erdiguneko aparkamendu-sistema aldatu zen pasa den uztailean. Sistema berriaren arabera, erdigunean aparkatu nahi duenak kartoizko erloju bat jarri behar du bistan bere autoan, eta horrekin markatu noiz aparkatu duen.

Sistema berria martxan jarri zenetik 5.000 erloju banatu dira herritarren eta bisitarien artean eta orain beste mila egin dituzte Udalak eta Arkupek. Mila horiek ere orain arte bezala banatuko dira, doan, lehengo tokietan. Orain arte doan eman zaio erlojua eskatu duenari; eta oraindik ere hala emango dira, erlojuen kostua erdibana ordainduko dute eta Udalak eta Arkupek. Hala ere, banatzeko geratzen diren mila erloju horiek izango dira doan banatuko diren azkenak.

Udalak eta Arkupek, beraz, jakinaren gainean jarri nahi dituzte herritarrak, kontuan hartu dezaten. Erdigunean aparkatzeko sistema berri hau uztailaren hasieran jarri zen martxan eta geroztik aurrera kartoizko erlojua erabiltzea beharrezkoa da, erdigunean aparka- tzeko. Orainartean bezala, kartoizko erlojua Orioko taberna, denda edo establezimenduetan eskuratu daiteke, doan, eta udaletxean eta udaltzaingoan ere lortu daitezke, gainera.

Contenido Patrocinado

Fotos

Vídeos