Costa Urola

'Animo' filmaren proiekzioa eta solasaldia

'Animo' filmaren proiekzioa eta ondorengo solasaldia izango dira gaur arratsaldeko 18:30etik aurrera Aiako kultur etxean.

Alex Tellok zuzendu eta Telmo Irureta zumaiarra protagonista duen filma da 'Animo'. «Familia, homosexualitatea eta egunerokotasuneko beste hainbat egoera» aztertzen ditu Tellok film honetan. Telmo Irureta aktore zumaiarra da protagonista, eta «inklusioari beste buelta bat» ematen saiatu dela azaldu du zinemagileak. Proiekzioaren ondoren, solasaldia egingo da. Sarrera doakoa izango da.