Costa Urola

Andatza auzoan, gaurtik aurrera, Sanpedroak

Andatza auzoak bere jaiak, bere Sanpedroak, ospatuko ditu gaurtik igandera bitartean. Eta aurtengoan ere, bertako elkarteak oso programa konpletoa osatu du datozen egunetarako.

Gaur 18:00etan jaurtiko den txupinazoak zabalduko ditu jaiak. Gaueko 21:30ean, Mutil ardoan egondakoen, elkarteko kideen eta gazte laguntzaileen afaria izango da, elkartean. Bihar, ostirala, 16:30ean oilasko bilketara aterako dira auzoko gazteak baserriz baserri Zabale eta Erkizi trikitilariek girotuta; ondoren, 17:00etan, ume jolasak eta merienda eskeiniko zaie bertaratutako umeei. Ostolaza eta Larrañaga trikitilariek, gaueko 22:00etatik aurrera girotuko duten erromeriarekin itxiko da biharko eguna.

Larunbatean, 11:00etan, sardin jana eta ondoren herriko pilota txapelketa; 18:00etan, poteo musikatua; 21:30ean afaria Euskal Parrilaren eskutik eta gauerditik aurrera, DJ Indate.

San Pedro egunea,n berriz, 10:30ean meza nagusia eta ondoren jubilatuen hamaiketakoa; 12:30ean hasita, herri kirolak eta 14:30ean jubilatuen bazkaria. Arratsaldean, Emakumeen Gipuzkoako TxingaTxapelketako finala eta Gizonezkoen Gipuzkoako 2. mailako Aizkolari Txapelketako finalak jokatuko dira; jarrian sagardo dastaketa eta eguna bukatzeko, erromeria eta 00:00etan, traka zaratatsua aurtengo Sanpedro jaiei amaiera emateko.