Allerru taldeko Lander Sanz eta Viveros San Antongo Garazi Bergara nagusi infantil mailan

Aizarnazabalgo proban saritutako neska-mutil guztiak./
Aizarnazabalgo proban saritutako neska-mutil guztiak.

Alebinen proban Zumaiena ikastetxeko Asier Aizpuru eta Irandatz Eskolako Irati Michelena sailkatu ziren lehen postuan

El Diario Vasco
EL DIARIO VASCO AIZARNAZABAL.

Asteburuan jokatu zen Aizarnazabalen txirrindulari alebin eta infantilen proba eta oso giro atsegina sortu zen neska-mutil hauek denak animatzen jardun zuten pertsona guztien presentziarekin.

Alebin mailakoek herriko kaxkoari bost bira eman zizkioten, neska eta mutil lasterketa berean; mutiletan, Zumaiena ikastetxeko Asier Aizpuru, Zurriola Ikastolako Telmo Azpilikueta eta Arroako Herri Eskolako Manex Beristain sailkatu ziren lehen hiru postuetan hurrenez-hurren. Alebin nesketan berriz, Irandatz Eskolako Irati Michelena, Txingudi Ikastolako Iraia Erauso eta Udarregi Ikastolako Irati Aranguren sailkatu ziren. Herriko lau neska-mutil, Araitz, Haizea, Intza eta Oñatz aritu ziren lasterketan partehartzen alebin mailan, lauek lan txukuna egin zutelarik.

Infantil mailakoek hamabost bira eman behar izan zizkioten zirkuituari eta Allerru taldeko Lander Sanz izan zen garaile abaintaila handiarekin; jarraian Donosti Berri taldeko Aimar Areia eta hirugarren, Optica Bidasoa taldeko Gorka Fernández. Nesken mailan, ikaragarrizko nagusitasuna erakutsi zuen Zumaiako Viveros San Antongo Garazi Bergarak, bigarren JOCCeko Intza Navarro izan zelarik.