Aitziber Estonba psikologa-sexologak zuzentzen duen saioa izango da gaur

Famili eskolaren laugarren saioa izango da gaur 17:30etik aurrera eskolako SAT gelan

El Diario Vasco
EL DIARIO VASCO AIZARNAZABAL.

Famili eskolaren laugarren saioa izango da gaur arratsaldeko 17:30ean eskolako SAT gelan. Aitziber Estonba psikologa-sexologak zuzentzen ditu familia eskolako saioak. Bertan familiaren barnean, guraso, seme-alaba, anai-arreben...artean ematen diren harremanak lantzeko gune bat da. Saio irekia da parte hartu nahi duten guztientzat.

Bizikletan federatzeko aukera

Aurten ere, urtero bezala, Kirol elkartearen bitartez federatzeko aukera eskaintzen die herritarrei. Horretarako 130 euroko diru sarrera egin behar da Kirol Elkartearen kontu korrontean; Kutxabank, 2095 5033 109116611482.

Gai berari lotuta, Kirol elkartekoek herritarroi dei bat luzatzen digute: «Kirol elkarteko kideok urte dexente daramatzagu kirol elkartea kudeatzen. Kide gehienok, nahi baino denbora eta energia gutxiago daukagu elkarteari eskaintzeko, horregatik errelebo beharra dugula uste dugu; jende berria, ideia berriak eta gauzak egiteko gogoa. Elkartetik lan asko egin daiteke eta horrexegatik herritarrei dei egiten dizuegu elkartea batu eta ideia berriak txerta-tzeko. Kide berriei laguntzeko prest gaude nahi duten eta behar duten guztian; gure ustetan, kirol dinamika eraginkor bat garrantzitsua da herrian eta azken urtean gure dinamikak behera egin du. Horregatik dei egiten dizuegu kirol elkartera hurbil zaitezten».

Dokumentala Gaztetxean

Bihar gaueko 21:00etan 'Barrura begira lehioak' dokumentala eskainiko da Gaztetxean. Herritar guztiei zuzendurik dago ekintza.