Costa Urola

Aiako XXI. Txakolin Eguna antolatu dute datorren igandean

Datorren igandean, apirilaren 6an, Aiako XXI. Txakolin Eguna ospatuko dute. Txakolin dastaketa 11:30etik 14:00ak bitartean izango da 5 eurotan. Adierazi dutenez, txakolin kopa erosi beharko da, bertaratzen diren dozena upeltegiren txakolina dastatu ahal izateko. Txekor eta txerri pintxoak ere egongo dira aukeren artean 2 euroren truke. Dastaketa eta gero, 14:00etan, gazte asanbladaren txosna zabalduko dute. Egitarauak arratsaldeko herri kirol saioarekin jarraituko du; 17:00etan, harri txikiekin gizonezkoen Gipuzkoako Txapelketa jokatuko da eta kintopekoen txapelketa emakumeen artean. Eguna amaitzeko, 19:00etatik aurrera, erromeria Izer eta Alabier trikitilariekin.

Gomazko paletan, seniorretako bigarren mailaren barne, Aimar Aranberri Lertxundi eta Garikoitz Zubillaga Gaztañaga, Udaberri Sariko txapeldun suertatu dira, Lagunak taldeko bikoteari 25-23 irabazi ostean asteburuan jokatutako finalean.