Costa Urola

Aiako mendi lasterketa martxoaren 2an izango da

Aiako XIV. Mendi Lasterketa datorren martxoaren 2an (igandea) jokatuko da eta dagoeneko izen-ematea zabalik dago. Proba gogorra, 15 kilometrotakoa, baina paraje ederretatik igarotzen dena, Pagoetako parke naturalean barrena. Lasterketari goizeko 10:30ean emango zaio irteera Aiako plazatik eta helmuga ere bertan kokatuko da.

Parte hartzeko, kirolprobak. com atarian eman daikete izena, epea otsailaren 28an amaituko delarik.

Urtero bezala, Aiako Kirol Elkarteak antolatzen du proba, eta amaieran partaide guztientzat hamaiketakoa izango da. Honez gain, irabazleek 200 euro jasoko dituzte, 150 bigarrenek eta 100 hirugarrenek.

Denbora hobetzea lortzen dutenek 100 euroko saria jasoko dute. Gizonetan 1:03:39 denboran dago marka, eta emakumezkoetan, 1:12:54.