Arraza Libreko IX. Artzain txakur lehiaketa izango da larunbat honetan

Bi lan saio egin beharko dituzte: lehenengo, artzainaren ondotik txakurra artaldera joango da, banderatxoaz seinalatutako tartetik, ahal bada atera gabe; bidean bi aldiz geldiaraziko du artzainak epaimahaiaren agindupean. Ondoren, artaldea hartu eta artzainaren aurrera ekarri beharko du. Ardiak borobilean barruan geldi geratu beharko dira.

Bukatzeko, zelaiaren eskuinean edo ezkerrean dagoen hesiaren tartetik pasa beharko dute ardiek, epaimahaiak agindutakoaren arabera. Zazpi minutu izango dituzte hau burutzeko. Bigarren atal gisa, artaldea hartu eta erdian dagoen eskortan sartzen saiatuko da txakurra; ardi guztiak sartzea lortuz gero, atera egin beharko dira, eta txakurra barruan geratu. Sei minutu izango dituzte horretarako.