Karterua eta gero, hiru Erregeak

Erregeak atzo arratsaldez iritsi ziren herrira. Eguraldi hotza izan zuten, baina haur eta helduen berotasuna ez zitzaien falta izan herrian egin zuten itzulian zehar. Meltxor, Gaspar eta Baltasarrek ongietorri beroa jaso zuten, ikusi besterik ez haurren emozio eta lilura aurpegiak. Opari mordoa beraientzat zituztela antzematen zitzaien, gau partean etxeetan banatzeko asmoz, goizetik Bizar Zurik jasotako gutunen helbideetan.

Estazioa parean hasi zuten ibilbidea eta herria zeharkatu ondoren Karelan amaitu zuten. Talai-Mendik antolatu zituen bi ekimenak, era honetara gabonetako egitaraua amaitutzat emanaz.