Harribil dantza taldearen ekitaldi berezia gaur gauean

Harribil dantza-taldea orain dela 20 urte sortu zen, 1995ean, eta urteurren borobila ospatzeko, ekitaldi berezia antolatu du gaur gauean Karela kiroldegian.

Dantza-emanaldian parte hartuko dute, orain taldean dabiltzan gazteez gain, 20 urteko ibilbide luzean taldeko partaide izan diren hainbat dantzarik ere.

Ekitaldia gaueko 22:00etan hasiko da eta sarrera doan izango da. Antolatzaileen nahia da «ahalik eta jende gehien biltzea bertan, festa giroan, elkarrekin ospatzeko urteurrena».

Bihar, berriz, egitarauarekin bukatzeko, bazkaria egingo dute Aiako Altxerri jatetxean Harribi dantza taldean ibilitakoak.