Urnieta

Udalak garapen bidean dauden herrialdeak laguntzen jarraituko du Euskal Fondoarekin hitzarmena sinatuz

Urnietako Udalak garapen bidean dauden herrialdeekin lankidetzan jarraituko du garapen ekonomiko eta sozialeko proiektu eta programak sustatuz, finantzatuz eta kudeatuz.

Horretarako, lankidetza-hitzarmena sinatu du Euskal Fondoarekin, eta 18.100 euroko dirulaguntza emango dio. Sinadura ekitaldian izan dira Urnietako Udaleko Gizarte Zerbitzuetako zinegotzi Consuelo Frutos, Euskal Fondoako lehendakari Nati Lopez eta Euskal Fondoko zuzendari Juanma Balerdi.

2025ean sustatuko diren proiektuak definituko dituen urteko programa operatiboa laster zehaztuko da, baina giza garapen iraunkorra, pobreziaren aurkako borroka eta subjektu libre eta aktiboen sendotzea erreferentziatzat izango dituzten proiektuak izango dira.