Urnieta

Kantazaun taldea kalejiran aterako da gaur arratsaldean San Joan plazatik

Kantazaun taldeak kantu kalejira bat egin ohi du hilabete bakoitzeko azken ostiralean euskal kantutegia oinarri hartuta. Abiapuntua arratsaldeko 19:00etan izaten da San Joan plazan, eta, ondoren, kalez kale joaten dira bi orduz.

Hilabete honetako hitzordua gaur, otsailaren 28an izango da. Aurretik entsegua egin da otsailaren 25ean, 18:30ean, kiroldegiko boxetan. Urnietarrak animatzen dira kalejiran parte hartzera.

Bihar ospatuko dira Inauteriak Urnietan. 'Pelikulak eta telesailak' izango da gaia eta eguerdiko 12:00tan hasiko dira poteo batekin, Poxta Zaharrek antolatuta. Mozorro kalejira arratsaldean izango da eta 17:00etan hasiko dira San Joan plazatik.