Lasarte-Oria

Zabaleta-Berrin eta Zatarainen estalkiak jartzeari buruzko lehen bilera, gaur

Lasarte-Oriako Udalak parte-hartze prozesu berri bat jarri du martxan Zabaleta-Berri eta Zatarain auzoetako bizilagunentzat, auzo horietako espazio publikoetan jarriko diren estalkien ezaugarriak elkarrekin adosteko helburuarekin.

Ekimen honek herritarren iri-tzi eta lehentasunak jaso nahi ditu hainbat alderdi zehatzetan: estalkien diseinua, kokapen zehatza eta erabilera posibleak. Aurreikusitako estalkiek 300 eta 400 metro koadro arteko azalera izango dute gutxi gorabehera.

Herritarren parte-hartzea errazteko, hainbat bide jarriko dira martxan. Alde batetik, aurrez aurreko informazio-bilerak eta hauen barruan, lehen hitzordua gaur izango da, 18:00etan, Zabaletako frontoian. Bigarrena, apirilak 9an izango da. Bestetik, online ere galdetegi bat egongo da Udalaren webgunean eskuragarri (parte hartzeko NAN zenbakia sartu beharko da, auzotarrek benetan parte hartzen dutela ziurtatzeko). Hau hilak 16ko 15:00ak arte egongo da zabalik.