Lasarte-Oria

Pantailen erabilerari buruzko hitzaldia, ostiralean Antonio Mercero gunean

Udalak, Gipuzkoako Foru Aldundiarekin elkarlanean, Treba Gurasoak programaren barruan gurasoei zuzendutako hitzaldi berri bat antolatu du. Programa honen helburua da «familiei hezkuntza-eremuko tresnak eta baliabideak eskaintzea, heziketa positiboa ardatz hartuta».

Hitzaldia bihar, hilak 3, 17:30ean izango da Antonio Mercero espazioan, eta gaur egun gurasoen kezka nagusietako bat izango du hizpide: pantailen, interneten, bideo-jokoen eta sare sozialen erabilera haurren eta nerabeen eguneroko bizitzan. «Teknologia horiek familiaren barruan dituzten onurak eta arriskuak aztertzea izango da helburua», adierazi dute antolatzaileek.

Hitzaldia, teknologia berrietan eta hezkuntzan aditua den profesional baten eskutik emango da. Era berean, egunerokotasunean baliagarriak izango diren aholku praktikoak emango dira, gatazkak prebenitzeko eta harreman osasun-tsuak sustatzeko.

Parte hartzea doakoa da, baina aurrez izena eman behar da mezu bat bidalita helbide honetara: kultura@lasarte-oria.eus.