Lasarte

Heriotzaren inguruko hitzaldi-tailer bat antolatu du Borobileak elkarteak

«Otsailean heriotzaz aritu ginen tertulian. Gaiak piztu zuen interesari jarraipena emanez, ekimen berri bat antolatu dugu herritar guztientzat irekia, bi hitzordu izango dituena», adierazi dute Borobileak elkartetik.

Lehenik, norberaren heriotzaren zirkunstantziak diseinatzeko tresna den Bizi-testamentuaz arituko dira. Ekainaren 4ean izango da hitzordua, 18:00etan Mirentxuenean. Ondoren, hilaren 18an, bigarren saio bat burutuko da. Borobileak elkarteko kidek azaldu zutenez, «ekainaren 18an egingo den saioan egoteko, beharrezkoa da lehenengoan parte hartzea».