Lasarte-Oria

Artetxek eta Ituartek irabazi zuten Mirentxuko Trinketeko txapelketa

Lehengo urtean Mirentxuko trinketea biziberritzeko helburuarekin sortu zen lagunarteko lehia, pasa den asteburuan binakako bigarren edizioa burutu zen.

Arrakastatsua izan zen, 24 bikotek parte hartu zuten, iaz baino 8 gehiagok. Jon Pello Artetxek eta Unai Ituartek irabazi zuten finala, Unai Arruti eta Asier Sanchez 'Santxi'-ren aurka. Hirugarren postuan, Ander Elizegi eta Iban Vázquez, eta laugarrenean, Oier Odriozola eta Iker Iñurrita. Giro ederra egon zen trinketean egun guztian zehar.