Herriko bizilagunek euskararen aldeko 'klika' egin zuten

Udal ordezkariak lekukoarekin./ MARÍA CORTÉS
Udal ordezkariak lekukoarekin. / MARÍA CORTÉS

Pankartaren atzetik gustura egin zuten korrika astigartarrek larunbat egunsentian

MARÍA CORTÉS ASTIGARRAGA.

Korrikak, euskararen alde egiten den ekimen erraldoiak bere 21. edizioa ospatuko du eta, nola ez, bere ibilbidea egin zuen herrian ere, larunbateko goizaldean. Han egon ziren zain herriko hainbat eragilek, besteak beste, elkarteetakoek, udal ordezkariek... herritar askoz lagunduta.

Aurten 'klika' egin zuten astigartarrek, izan ere lelo hau hartuta «klik egiterakoan aukeratu egiten da, eta horixe bera egiten da euskaraz ikasi, hitz egin edo bizitzeko hautua egiten denean ere», azaldu zuten AEK euskaltegitik.

Apirilaren 4ean Garesen abiatu eta pasa den igandean amaitu zen Gasteizen lasterketa, baina larunbateko ordu txikietan igaro zen Astigarratik. Perurenan hartu zuten lehen lekukoa astigartarrek; herriko AEKren eskutik, eta handik pixkanaka herrian sartu ziren: Zarkumendegi pasa eta Gruas Zapiainetik sartu ziren herrian. Tomas Alba zeharkatu eta Urumea Berri pasata, Ergobiako bide hartu zuten.