Portu auzoko eguna ospatuko da gaur hainbat ekintzarekin

Patata tortilla lehiaketa goizean, ondoren bazkari herrikoia eta arratsaldean, Bide Batez taldearekin erromeria

El Diario Vasco
EL DIARIO VASCOHERNANI.

Portu auzoan ohitura dute auzotarrek festak pasa ondoren Portu Eguna ospatzea. Aurten ere bizilagunek egun osoko egitaraua prestatu dute gaurko. Eguerdiko 12:00etan hasiko da festa, auzotarren arteko patata tortilla lehiaketarekin (bakoitzak etxetik ekarri beharko du tortilla) eta 13:00etan banatuko dituzte sariak. Ondoren, 14:30ean izango da auzo bazkaria (aurrez erosi behar ziren tiketak). Eta bukatzeko, 18:00etan, erromerian dantzatuko dute, Bide Batez taldearekin. Antolatzaileek gonbitea luzatu diete auzotar guztiei, festan parte hartzera.