Maialen trainerua Euskotren Ligarako txartelaren bila

HERNANI.

Orain arte egindako lana erakusteko gogoz daude Maialen traineruko kideak. Laugarren urtez jarraian uretaratuko dugu Hernaniko emakumeen trainerua, eta, taldean aldaketa asko egon diren arren, ilusioak bere horretan jarraitzen du. Iaz bezala, Xabier Zabala loiolatarra ari da entrenatzaile lanetan, eta ahalik eta udarik txukunena egitea da guztien nahia.

Asteburu honetan bertan ekingo dio lehiari traineruak, Euskotren Ligarako sailkatze estropadekin. Gaur, 18:00etan Sestaon, eta, bihar, 11:45etan Zierbenan. Horrela bada, asteburuko lehiek erabakiko dute traineru berdearen udako egutegia. Izan ere, lehenengo lau ontzi azkarrenek lortuko dute Euskotren Ligarako txartela, eta gainontzekoek ETE liga jokatuko dute (Emakumeen Traineru Elkartearen liga). Txapelketak eta Kontxako Bandera izango dira denboraldiko gainontzeko estropadak.

Hernaniarrei deia egiten diete kamiseta eta zapi berdeak jantzita joan daitezen Bizkaiko estropadetara, euren indar eta animoak ematera Maialen ontziari (klubeko materiala Joxemari tabernan dago salgai).

Contenido Patrocinado

Fotos

Vídeos