Hernani

Literatura feminismotik saio berri bat, gaur arratsaldean udal liburutegian

Literatura feminismotik saio bat egingo da gaur Udal Liburutegian. Arratsaldeko 18:30ean hasiko da eta Eider Rodriguezen 'Haragia' da liburua. Alaine Agirrek gidariaren lana egingo du. Hamabi ipuinez osatua da Eider Rodriguezen bigarren narrazio bilduma.

Euskarazko emakume idaz-leen lan garaikideak ikuspegi feminista batetik irakurtzeko tailerra. Hala, azken urtean argitaratutako lanak irakurriko dituzte, egungo testuinguru eta bizipenetatik. Helburua da emakume idazleak ezagutaraztea, eta egun garatzen ari diren kezka, diskurtso eta proposamenak denen artean hausnartzea eta horiek genero ikuspegi eta ikuspegi feminista batetik irakurtzea.