Ereski Gregoriar Scholak hasiera emango die Hernani Errotzen taldearen azaroko ekintzei

El Diario Vasco
EL DIARIO VASCO HERNANI.

Udazken bizi-bizia dator Hernani Errotzenen eskutik. Memoria historikoa lantzen duen elkarte honek lau ekitaldi antolatu ditu hilabete honetarako eta abendurako.

Gaur, arratsaldeko 20:00etan, Donosti Ereski Gregoriar Scholaren kontzertua antolatu da San Joan Bataiatzalea parrokian. Gipuzkoako, azken mendeetako kodize edo kantoraletatik aukeratutako abesti sorta bat eskainiko dute eta tartean Joan Manuel Larrarte Hernaniko parrokian organista izan zenaren obra bat ere entzun ahal izango da. «Hernaniko organista eta lehen letretako maisua izan zen. Agustín Pascual Iturriagak, aurten 200 urte, 1818an ireki zuen ikastetxeko irakasle ere izan zen. Eragin handiko musikaria izan arren, Joan Manuel Larrarte ez da ezaguna hernaniarren artean. Pascual Iturriaga eta Joan Ignazio Iztuetarekin maiz biltzen zen Oriamendin. Iztuetak laguntza handia jaso zuen, eta horrela aitortzen du, Larrarte eta Pedro Albenizengandik haren Gipuzkoako dantzak taju- tzeko», adierazi dute Hernani Erro- tzen taldetik.

Beraz, merezimendu guztiz eta bere musika obrak duen garrantziagatik berreskuratu nahi dute Joan Manuel Larrarteren oroimena.

Datorren astera begira, hilaren 21ean, asteazkena, arratsaldeko 19:30etan, hitzaldia antolatu da Biteri kultur etxean. Eneko Bidegainek hitz egingo du gaur egun pil-pilean dagoen gai bati buruz 'Lurraldea eta herriaz. Zazpiak bat. Atzo, gaur, bihar'. Eneko Bidegain ikus-entzunezko komunikazioko irakasle eta ikertzailea da Mondragon Unibertsitatean. «Bidegainek lurralde batasunaren garrantzia herriaren identitate kolektiboan eta kulturan aztertu du. Idazlearen arabera, boterearen galtzeak eta lurraldearen zatiketak eragin dute euskal kon- tzientziaren ahultzea, eta azken hamarkadetan areagotu egin da zatiketa administratiboaren eragina, herriaren batasunaren eta kohesioaren kaltetan», azaldu dute antola- tzaileek.

Izan ere, «Enekoren kezka nagusia Euskal Herriaren lurralde batasunaren egoera da. Esaten duenez, aztertu nahi izan du 'nola izan den herri batu bat historian zehar, nola galdu duen batasun hori eta zein- tzuk izan diren erresistentziak Euskal Herriaren askatasunaren aldeko mugimenduan. Horrez gain, gaur egungo egoeraren irakurketa egin du: azken urteotan distantziak handitzen ari dira antolaketa administratibo baten edo bestearen mende dauden zatien artean'». Hernaniarrak animatzen dira bertan parte hartzera.

 

Fotos

Vídeos