Bigarrenak kontsolazio txandan Euskadiko Batel Txapelketan

Hernaniko neska absolutuek lan bikaina egin zuten./
Hernaniko neska absolutuek lan bikaina egin zuten.

El Diario Vasco
EL DIARIO VASCO HERNANI.

Euskadiko Batel Txapelketan izan ziren hernaniarrak joan den asteburuan, Legution. Bost talderekin aritu ziren bertan lehian: neska infantilak, kadeteak eta absolutuak; eta mutil kadeteak eta jubenilak. Denei ez zitzaizkien lanak nahi bezain ongi atera larunbateko sailkatze estropadetan; besteak beste, neska infantilek arazoak izan zituzten irteeran, eta ez zuten estatxa heldu.

Asteburuko albiste ona neska absulutuek eman zuten. Izan ere, larunbatean zortzigarren postuan lortu zuten sartzea, kontsolazio txandarako sailkatuz; eta, igandean, behetik gorako estropada eginez, larunbateko lana hobetu eta bi ontzi utzi zituzten atzetik. Horrela, kontsolazio txandako bigarrenak izan ziren, San Juanen atzetik, eta Hondarribia eta Ondarroaren aurretik. Hauek osatu zuten Hernaniko batela: Intza Larburu (patroia), Ainhitze Kalonje, Nerea Irastorza, Enara Villena eta Jone Pastor.