Eustat erakundearen datuen arabera, «euskarak osasun ona du Urnietan»

DV URNIETA.

Eustat-ek, Euskal Estatistika Erakundeak, EAE-ko 2 urtetik gorako biztanleriaren euskara mailaren datuak argitaratu berri ditu 2016.urteko datuak oinarri hartuta. Horien arabera, «duela bi urte Urnietan bizi ziren 2 urtetik gorako 6.031 pertsonetatik 3.642 euskaldunak ziren, hau da, %60,4. %17 berriz, ia euskalduna zen, eta gainerako %22,6 ostera, erdalduna», azaldu dute.

Gipuzkoako eta EAE-ko datuekin alderatuta, Urnietakoak altuagoak dira, izan ere, herrian euskaldunen eta ia euskaldunen kopurua %77,4koa zen. Donostialdean datu hori %68koa zen, Gipuzkoan %73,3koa eta EAEn %60,7koa. Beraz, «Urnietan euskarak osasun ona duela esan daiteke», azaltzen dute arduradunek.

 

Fotos

Vídeos