Mundarro Petritegik galdu egin zuen San Pedrotarraren aurka

Mundarrok igandean Trintxerpen jasandako porrota mingarria izan zen puntuetan berdinduta zihoan San Pedrotarraren aurka (3-0). Zelaiaren neurri txikietara egokitzen jakin zuten moreen lehen denbora ona, egoera ongi kontrolatuz eta markagailuan aurrea hartzeko aukeraren bat izanez, baina atsedenaldira hasierako berdinketarekin iritsi ziren.

Berriz ekin ziotenean, taldea laster aurreratu zen. Astigartarrak, emaitzaren garrantziaren jakitun, gorantz joan ziren, baina bi kontraerasotan etxekoek partida erabakita utzi zuten.

Gauzak zaildu egin dira jaitsieratik 3 puntura geratu delarik taldea. Hurrengo jardunaldian, egoera berdintsuan dagoen Allerruren aurka jokatuko dute partidu garrantzitsua. Atsedeneko bi asteburuetan taldeak ondo lan egitea eta konpromiso horretarako behar bezala prestatzea espero dute.