Astigarraga

Mundarro Petritegik galdu egin zuen Orion jokatutako partidu orekatuan

Larunbatean Mundarro Oriora joan zen jokatzera eta porrotarekin itzuli zen etxera, hiru jardunaldi galdu gabe egon ondoren. Oriokoren aurka aritu ziren astigartarrak eta 1-0 galdu zuten partidua.

Astigartarrak ondo kokatuta egon ziren, azken partidetan bezala, berdegunean, txukun eta lehiakor. Atsedenaldira golik gabe iritsi zen partida 45 minutu ore-katuren ondoren.

Bigarren zatia hasi eta 10 minutura etxekoek partidako gol bakarra sartu zuten. Une horretatik aurrera, moreek pauso bat eman zuten aurrera eta hainbat aukera izan zituzten: langa bat, etxekoek marra gainetik atera zuten beste bat, eta abar.

Azkenean, ezin izan zen berdinketaren gola lortu. Larunbat honetan, arratsaldeko 16:00etan, Zarkumendegin, Zizurkilgo Danena taldea hartuko du taldeak azken partiduen ildo beretik jarraituko duelakoan.