Garaipen garrantzitsua lortu zuen Mundarrok Roteta liderraren aurka

Garaipen handia lortu zuen Mundarrok joan den igandean Zarkumendegin Roteta liderraren aurka (1-0). Astigartarrek azken partidetan erakutsitako dinamika onarekin jarraitu zuten nahi baina ezinean aritu zen Rotetaren aurka, oso partida serioa jokatuz.

Hasierako emaitzarekin iritsi zen partida atsedenaldira. Bigarren zatiak bide beretik jarraitu zuen, ondo kokaturik zegoen Mundarro, ahal zuen guztietan kontraeraso arriskutsuak eginez. Horietako batean, denek berdinketa ontzat ematen zutenean, moreek garaipenaren gola lortu zuten luzapenean Ander Mendibururen bitartez.

Hiru puntu oso garrantzi-tsu, beheko taldeekin gauzak nola gertatzen ari diren ikusita. Jaitsiera bost puntura dago oraindik, lau partida falta direnean.

Igande honetan, Trintxerpera joatea tokatzen da puntuetan berdinduta dagoen Sanpedrotarraren aurka joka-tzeko. Beraz, beste partida garrantzitsu bat zelai zail batean, baina astigartarrek azken partiden ildoan jarraitzea eta zerbait positiboa ekartzea espero da.