Astigarraga

Garaipen garrantzitsua lortu zuen Mundarrok Danenaren aurka

Garaipen garrantzitsua lortu zuen larunbatean Mundarrok Zarkumendegin Danenaren aurka (1-0). Denboraldia amaitzeko falta diren 6 partidei konfiantzaz beteta eta baikorrago heltzeko balio duten 3 puntu. Une honetan, jaitsiera 8 puntura dago. Moreen beste norgehiagoka on bat, azken partiduen ildoari jarraituz, non partida orekatu batean une oro kontzentratuta egoten jakin zuten.

Atsedenaldira markagailua mugitu gabe iritsi zen, baina bigarren zatia astigartarren presio handiagoarekin hasi zen, 70. minutuan merezitako 3 puntuak emango zituen gola lortuz.

Orain, larunbat honetan Donostiara joatea tokatzen da, Berion Santo Tomas Lizeoa taldearen aurka jokatzeko. Baina Mundarrok gaur egungo ildo horretan jarraitzen badu, zerbait positiboa ekartzeko gai da.