Astigarraga

Emakumeen memoria historikoa berreskuratzeko ikerketa

Astigarragako emakumeen memoria historikoa berreskuratzeko eta herritarren eskura jartzeko genero ikuspegidun ikerketa-bekaren deialdi argitaratu da. Udalak Astigarragako emakumeen historia ezagutzera emateko xedearekin hainbat ikerketa-beka deialdi argitaratu ditu dagoeneko. 2020. urtean sortu zen bekaren lehenengo edizioa, zeinari esker XX. eta XXI. mendeetako emakumeen gorputz praktiken inguruko ezagutzak areagotu, eta zabaldu ahal izan diren. 2023. urtean izan zen bekaren hirugarren edizioa eta bertan Astigarragako hainbat emakume erreferenteen ikerketa gauzatu zen. Hain zuzen ere, aurten urte amaierarako aurkeztuko dira hirugarren edizioko bekaren emaitzak.