Andoain

Ikasturte amaierako festa ospatuko da larunbatean Ondarreta herri eskolan

Aste gutxi batzuk falta dira 2024-2025 ikasturteari amaiera emateko. Baina klaseak bukatu aurretik, beste urteetan bezala, Ondarreta Herri Eskolak berriro ere ikasturte amaierako festa ospatuko du asteburu honetan, hilak 31.

Arduradunek azaldu duten bezala «aurtengoan, goizean zehar bertsolariak izango dira eta ziklo desberdinetako ikasleen abesti eta dantza emanaldiak ez dira faltako. Honekin batera pintxo, tortila eta postre dastaketa ospatuko da, tailer ezberdinak eskainiko dira eta Leizarango ikasleek bigarren eskuko azoka jarriko dute». Eguerdian berriz, guraso, ikasle eta irakasleen bazkaria izango da patioan eta arratsaldean, kurtso amaierako festa borobiltzeko, besteak beste puzgarri ezberdinak izango dira.