Andoain

Haatik Dantza Konpainiaren 'Ots' lana, gaur arratsaldean Basteron

Haatik Dantza Konpainiaren 'Ots' lana gaur ikusi ahal izango da Basteron, 19:30ean. Arduradunek dioten bezala, «'Herri Gogoa', Euskal Herriko lehen zigilu diskografikoan islatutako mugimendu kultural abangoardista berrinterpretatzeko bultzada gisa sortzen da. Zentsura zela-eta, zigilu hori inoiz ofizialki existitu ez bazen ere, berrehun diskotik gora argitaratzea lortu zuen, euskal kultura biziberritu eta berritzeko helburuarekin.

Jone San Martin nazioarteko ospea duen dantzari eta sortzaile donostiarrak sortutako koreografiak, euskal dantza izan du inspirazio iturri. Horiek aztertzean, antolatzeko eta espazioan 'idazteko' modu berriak sortu, eta euskal dantzen mekanismoak, interprete bakoitzaren eta taldearen sentimendu intimo eta personalagoak adierazteko tresna gisa erabili ditu; batez ere, mugimendu hark herri kontzientzia bultzatzeko eta artea herriari hurbiltzeko izan zuen beharra transmititzea du helburu gisa.

Sarrerak eskuragarri daude, sei eurotan.