'Gomendatzen dizut' lehiaketa, 12-18 urte bitarteko gazteentzat

'Gomendatzen dizut...' lehiaketaren kartela. /
'Gomendatzen dizut...' lehiaketaren kartela.

Leku, herri edo museoak bisitatzeko gomendioak eta argazki bat aurkeztu beharko dituzte partehartzaileek

El Diario Vasco
EL DIARIO VASCOANDOAIN.

Andoaingo Gazte Informazio Bulegoak eta Gazte Lokalak 'Gomendatzen dizut...' lehiaketa antolatu dute 12 eta 18 urte bitarteko gazteentzat.

Gazteek irteera bat egiten dutenean edo oporretara joaten direnean, leku hauei buruzko informazio interesgarri askorekin etortzen dira. «Informazio hau gurekin konpartitzea nahiko genuke gomendio moduan. Guretzat, edozein gomendio baliagarria da, ostatuen ingurukoak, lekuak, herriak, museoak, jatetxeak, ekintzak, paisaia ikusgarriak etab.», adierazten dute antolatzaileek.

Gomendatzeko bi arrazoi idatzi eta argazki bat itsatsi beharko dute gazteek. Gomendioak aurkezteko epea urriaren 25ean amaituko da. Gazte Informazio Bulegoak gomendio guztien artean zozketa bat egingo du azaroaren 8an, eta gomendioen erakusketa bat azaroan zehar egingo da Gazte Lokalean.

Saria Andoaingo denda desberdinetan erosketak egiteko 70 euroko bonoa izango da.

Lehiaketarako gomendioak Gazte Informazio Bulegoan entregatu behar dira (Pio Baroja kalea 1, behea) edo posta elektronikoz (gazteinformazioa@andoain.eus) bidali behar dira.